|
| |
|
| A Consellería de Educación abre un prazo extraordinario durante o mes de febreiro para a solicitude de Acreditación de Habilitacións para impartir docencia en centros privados. A solicitude deberá ser realizada exclusivamente a través da aplicación telemática da Consellería, que estará dispoñible a partires do 7 de febreiro.  Máis información
Solicitudes (aplicación) |
|
|
| Hoxe 2 de febreiro ás 18:00 horas celebrarase na Facultade de Filosofía da Universidade de Santiago de Compostela esta interesante Mesa redonda, organizada polo Servizo de Deportes da USC, o Concello e a Fundación USC Deportiva. O evento, que servirá de presentación do amistoso que disputarán as seleccións femininas de España e Austria o vindeiro 15 de febreiro en San Lázaro, contará coa participación do Seleccionador nacional de fútbol feminino, Verónica Boquete, Fernando Vázquez, Diego Seoane e Javier Bellido. |
|
|
| Na súa primeira comparecencia ante a Comisión de Educación, e dentro das área de Deportes, José Ignacio Wert destacou a regulación do exercicio de determinadas profesións do deporte como "cuestión importante" a abordar na lexislatura. O Ministro fixo súas as reivindicacións do noso colectivo ao considerar a regulación como "un tema esencial, sobre todo en lo que concierne a la protección de la salud de los deportistas ya que permitirá que sean profesionales formados, los que se encarguen del cuidado y la gestión fisiológica y biológica de su salud". Comparecencia |
|
|
| A Consellería presentou onte aos sindicatos a súa proposta de aprazamento da convocatoria de oferta de emprego público docente 2012, xustificándose no baixo número de prazas a convocar, se aplicasen a actual taxa de reposición, e na baixa interinidade en relación ao resto do Estado. Os representantes da Consellería informaron tamén da súa intención de consolidar e agregar as prazas non convocadas este ano ás do vindeiro, co que prevén convocar unha boa oferta para 2013. Máis información | |
|
| O CSD anunciou recentemente a ampliación do prazo para a obtención de homologacións, convalidacións e equivalencias das formacións de Fútbol, Fútbol-sala, Deportes de Inverno e Deportes de Montaña realizadas antes do ano 2000, que rematara o pasado 30 de setembro. Os novos prazos varían segundo as modalidades pero todos se estenden ata o ano 2014. Máis información | |
|
| A Xunta de goberno aprobou, na súa reunión de onte, a Convocatoria da Asemblea Xeral 2012 do COLEF Galicia que se celebrará o vindeiro sábado 25 de febreiro ás 10.00 horas (1ª convocatoria) na Sala de Reunións do Centro Empresarial Compostela, onde se atopa a Sede do Colexio. Podes consultar a Orde do día no seguinte documento:  Convocatoria Asemblea Xeral 2012
|
|
|
| Publícase a Convocatoria de Elección para prover o cargo vacante de Vogal por Lugo, aprobada pola Xunta de Goberno logo da renuncia por motivos profesionais de Míriam Rivas, e incluída dentro da orde do día da Asemblea Xeral do vindeiro 25 de febreiro. Convocatoria de Elección a cargo vacante A Xunta de goberno quere agradecer publicamente o interese mostrado por Míriam Rivas en participar deste órgano, e desexarlle todo o mellor na nova etapa. |
|
|
| A pasada semana, o Consello de Ministros nomeou a David Villaverde Page (Madrid 1967) como novo Director Xeral de Deportes do CSD. Avogado do Estado dende 1996, ocupaba ata o momento a súa xefatura no actual Ministerio de Sanidade, Servizos Sociais e Igualdade. Destaca no seu currículo a dirección de diversos pleitos de natureza deportiva como, por exemplo, a execución da sentencia do Obradoiro. |
|
| |
|
|
<< Inicio < Anterior 1 2 3 4 5 6 7 8 9 10 Siguiente > Final >>
|
