POR TODAS/OS...

• Defensa dos intereses profesionais comúns: regulación profesional, loita contra o intrusismo…
• Defensa dos intereses dos destinatarios dos teus servizos (alumnos e/ou usuarios): de saúde, educación, seguridade… 

POR TI...

• Póliza de Responsabilidade Civil: para estar segura/o no teu exercicio profesional.
• Servizo de Asesoría xurídica: para consultar as túas dúbidas e problemáticas legais.
• Vantaxes corporativas: descontos en servizos e ofertas doutras entidades.
• Boletín informativo: novas profesionais de interese (actualidade, emprego, formación…).
• Revistas Móvete: recepción postal no teu domicilio da nosa publicación.
• REEFD: recepción postal da Revista Española de Educación Física e Deportes.
• Web: contidos restrinxidos e conta de correo-e.
• Actividades: eventos de ocio pensados para fomentar a relación entre a colexiación.

• Lei 11/2001, de 18 de setembro, de Colexios Profesionais da Comunidade Autónoma de Galicia

Artigos vixentes ata o 24 de febreiro de 2010

Artigo 2. Exercicio das profesións.

“3. É requisito indispensable para o exercicio das profesións colexiadas estar incorporado ao colexio correspondente.”

Artigo 3. Profesionais ao servizo da Administración.“Os profesionais titulados vinculados coa administración pública mediante relación de servizos de carácter administrativo ou laboral non necesitarán estar colexiados para o exercicio de funcións puramente administrativas nin para a realización de actividades propias da correspondente profesión por conta da administración á que pertenzan, cando o destinatario inmediato das mesmas sexa esa administración. Si será obrigatoria, en consecuencia, a colexiación para o exercicio da actividades privada.”

Artigos vixentes na actualidade (pendente a aprobación da Lei de Servizos Profesionais)

Redacción segundo a Lei 1/2010, de 11 de febreiro, de modificación de diversas Leis de Galicia para a súa adaptación á Directiva 2006/123/CE do Parlamento Europeo e do Consello, de 12 de decembro de 2006, relativa aos servizos no mercado interior.

Artigo 2.

“3. É requisito para o exercicio das profesións con obrigación legal de colexiación estar inscrito no colexio correspondente.”

Artigo 3. Profesionais ao servizo da administración.

“ 1. Os profesionais titulados vinculados coa administración pública mediante relación de servizos de carácter administrativo ou laboral non precisarán estar colexiados para o exercicio de funcións puramente administrativas nin para a realización de actividades propias da correspondente profesión por conta da administración a que pertenzan.

2. Non obstante, será obrigatoria a colexiación para os profesionais médicos e demais profesionais de ciencias da saúde ao servizo das administracións públicas cuxas funcións comprendan a realización de actos profesionais que teñan como destinatarios inmediatos aos usuarios do Sistema Público de Saúde de Galicia, así como tamén para o exercicio da actividade privada.”

• Sentenza do Tribunal Constitucional nº 194 01/10 1998, de 1 de outubro

O Tribunal constitucional declara que non é discriminatorio que os profesores de EF de centros privados estean obrigados a colexiarse cando no se esixe esta circunstancia aos que traballan en centros públicos.

“…a obriga de incorporación a un colexio para o exercicio da profesión xustifícase non en atención aos intereses dos profesionais, senón como garantía dos intereses dos seus destinatarios. No caso de quen traballa en centros públicos, esa garantía pode ser asumida pola Administración…”