|
O COLEF Galicia lanza a campaña "Pola túa saúde e seguridade, esixe profesionais cualificados”, co obxectivo de chamar a atención da sociedade sobre as terribles consecuencias que, sobre a saúde da poboación, pode ter a falla de control e seguimento das actividades deportivas por parte de profesionais competentes. Colaboran na campaña as seguintes entidades galegas do ámbito da actividade física e do deporte: Facultade de CC. do Deporte e a EF da UDC, Facultade de CC. da Educación e do Deporte da UVigo, AGAXEDE, UFEDEGA, FEGAEX, FEDYS, Asociación de Estudantes de Educación física de A Coruña, e Delegación de Alumnos da Facultade de CC. da Educación e do Deporte de Pontevedra. - - A inicativa, que complementa a nivel galego a correspondente Campaña do Consello Xeral de COLEF e CAFD de España, pon o acento na necesidade de concienciación social en todo o relativo ao alarmante intrusimo observado nunha actividade directamente relacionada coa saúde e a seguridade da poboación, sendo o sector do emprego no deporte un dos que soportan maior carga de economía sumerxida e un maior número de profesionais sen formación específica no seu ámbito laboral.
|
